Per entgins munta quei entgins dis liber.
Auters van per disa en baselgia. Biars san buca pli, pertgei ch’ei vegn festivau Pastgas. Impurtonts sto quei firau denton esser, schiglioc festivassen nus gie buca quels dis. Gie, ei vala tuttavia la peina da leger quest scriver.
Gl’emprem enzatgei sur da tgei ch‘ei schabegiau avon Pastgas.
Nus carstgauns havein senza excep-
ziun buca fatg la veglia da Diu. Nus schein manzegnas, engulein, essan malfideivels, carezein ni Diu ni il proxim ed aschia viana-
von. Resumau, havein nus surpassau tut ils 10 condaments da Diu, u cul patratg ni cul secuntener ed essan aschia daventai culponts avon Diu. Nus essan separai da Diu, ussa ed ella perpetnadad. Nus havein la damnaziun avon nus. Ina situaziun senza speronza per nus carstgauns!
In trest di. Igl ei il di dalla mort da Jesus. Igl ei adina trest, sch’enzatgi miera.
Denton cheu ei tut auter. Vid la crusch miera cheu enzatgi, che ha mai fatg in sbagl. In che ha adina plaschiu a Diu. In che miera voluntariamein vid la crusch pervia dalla cuolpa dad auters. Quei ei unic. Quei sa mo in, il fegl da Diu, che ei daventaus carstgaun. Gie, Jesus Christus ei vegnius sin quest mund e ha pagau cun sia veta, per sligiar nies problem cun nossa cuolpa. Smarvigliond stun jeu uss avon quella crusch e sun surpigliaus da quella carezia divina, ch‘ ei sempatschada da miu problem.
La fossa ei vita. Jesus viva! El ei levaus da mort en veta!
Puspei unic. Jesus Christus ei levaus da mort en veta. El ha surventschiu la mort. E perquei ch’el viva, eis ei dil tuttafatg evident, che Diu ha acceptau si’unfrenda. Ed ussa fa Diu a mogna a nus, da perdunar a nus nos puccaus. Il gest castitg ha Jesus purtau per nus.
Dil reminent ei la levada in fact ch’ei cumprovaus il meglier duront gliez temps. Ei dat negins dubis.
E daco interessescha Pastgas tei e mei? Ina nova veta. Esser liberaus da cuolpa. Haver la paisch cun Diu.
Perdun e ruaus el cor. Passentar la perpetnadad en tschiel cun Diu.
Ina miraculusa relaziun cun Jesus Christus, nies salvader. Tut quei ed aunc bia dapli vul Diu schenghegiar a ti ed a mi. Quei sas ti buca contonscher cun „bunas ovras“. Igl ei in regal!
Confessa a Diu aviartamein tes puccaus, ils falliments en tia veta e supplichescha el per perdun. Surdai ad el tia veta. El perduna bugen a ti. El schenghegia a ti ina nova veta. El vul surprender il tgamun en tia veta.
Ina nova veta.
In schenghetg da Diu per tei.
“El ei levaus da mort en veta.
„Jeu sun la levada e la veta.
Tgi che crei ein mei,
vegn a viver, era sch’el miera.“
La Bibla / Gion 11.25
Nus essan cristians cuntents e perschuadi.
Perquei che Jesus Christus ha deliberau nus, havein nus paisch cun Diu. Quei legra nus! Bugen partin nus la buna nova dalla bibla cun tei. Negina secta- negina reclama per ina baselgia ni cuminonza. Neginas intenziuns finanzialas.
scartiras da missiun
«La veta e dapli»
Laengmoos 16
CH-3636 Forst
contact@life-is-more.info
www.rms.life-is-more.info